【2025回星行動】共融劍擊活動

31 三月 2025

3月10日，我哋回星一眾同學收到一個特別嘅邀請！大家估吓我哋今次去邊？

係去體驗劍擊活動！非常感謝澳劍劍擊邀請我哋回星小組啊！

巴黎奧運嘅時候我哋喺電視上面見到香港嘅運動員拎咗兩面金牌！真係好犀利啊！估唔到今次我哋有機會去體驗呢項運動！

喺活動嘅過程入面，我哋學習咗劍擊嘅基本動作。睇電視戈時見到啲運動員淨係走嚟走去，仲以為好容易，原來真係一啲都唔簡單！

學完基本嘅動作之後，教練就著上教練服一對一咁教我哋點樣出手去攻擊。然後就到咗最刺激嘅實戰環節～

要係移動嘅過程中出手，真係好難啊！不過教練話，我哋第一次接觸劍擊活動，已經做得好好。

希望我哋下次可以再體驗多啲唔同嘅運動啦！