【2025回星行動】探索路環南岸石景

3 四月 2025

3月22日星期六，天氣優美、陽光普照，啱晒回星學員出嚟參加共融外出活動！

今次我哋嚟到路環南岸石景！

原來路環呢一個石灘有好多唔同嘅歷史同傳說！等我哋同大家分享下啦~

相傳龍爪角係有條龍因為偷食蟠桃所以被貶下凡間，囚禁喺路環嘅一塊岩石入邊。呢個傳說嘅誕生相信係因為嗰邊嘅石頭同龍爪好似，所以就慢慢衍生出呢啲傳說啦。

除咗龍爪角嘅傳說之外，其實南岸石景仲有好多石頭可以話到俾我哋知澳門以前嘅歷史。就例如劏人石，呢塊石頭係記載咗海盜入侵澳門嘅歷史故事。

講到路環嘅歷史，又點少得譚公廟反貪污石碑呢？呢塊石碑係澳門最早嘅反貪污文物，證明咗路環喺清朝嘅時候係漁船進出廣東海口嘅補給站。

今次活動真係好玩又有趣啊，透過親身體驗去學習澳門嘅歷史文化！希望大家今次都學得開心~