【518「融義玩」社區推廣嘉年華】攤位大揭秘——第一彈「運動體驗」

3 五月 2025

倒數開始！5／18全國助殘日，我哋塔石廣場見！

「融義玩」社區推廣嘉年華即將熱鬧登場，準備好嚟挑戰未？各類精彩攤位等你一齊樂動融！第一彈就帶你率先探秘——超好玩嘅運動體驗攤位！

「融義玩」特奧羽毛球體驗——羽您同行
想感受羽毛球運動員嘅專注與技巧？手拿球拍，擊球直達指定位置就成功！今年殘特奧會澳門賽區承辦羽毛球項目，大家不如先嚟熱身，試試自己嘅身手啦！

「融義玩」特奧足球體驗——Special KT Football
夢想成為足球小將？現場準備咗限時1v1、2v2比賽！帶球過人，閃避對手，仲要避開場地障礙！快啲嚟挑戰，睇吓你係唔係下個足球王者！

「融義玩」特奧滾球體驗——滾動吧！特奧
滾球——特奧運動員最熱愛嘅項目之一！專注力＋穩定性，缺一不可！現場仲有 限時挑戰賽，你敢唔敢嚟向特奧運動員挑機？贏咗話唔定有驚喜喔！

「融義玩」綜合運動體驗——運動大富翁
平時玩桌遊大富翁已經過癮，今次升級變真人運動大富翁！擲骰子，完成對應運動挑戰，運動點數剛好到達終點就勝利啦～快啲嚟體驗，睇吓你能唔能夠一擲即中！

挑戰成功，獎勵送不停！
完成以上 4個運動體驗，即可獲得一枚 “SPORTS”紀念幣！
集齊“PLAY”“UNIFIED”“PLAY”“SPORTS”四枚紀念幣，即可換取抽獎券，贏取豐富大獎！

活動時間：5月18日（日）下午3點至9點
活動地點：塔石廣場
快啲Mark低日子，約埋朋友一齊嚟玩！ 大獎等緊你，挑戰等緊你！

嘉年華由澳門特奧會主辦以及澳門基金會資助舉辦！