16 九月 2020, by mso mso
澳門第43屆分齡游泳賽喺上週（12-13/09）喺澳門奧林匹克游泳池順利舉辦。本會共派出咗7名運動員角逐今次游泳賽嘅13項比賽，最終7名泳將都順利完成比賽。
為咗提高運動員嘅競技水準，除咗恆常訓練外，亦會參加不同類型嘅比賽，從而可以起到“以賽代練”嘅效果。今次游泳賽吸引咗近500多名游泳好手參加，本會運動員得此機會與高水準運動員同場競技，可以進一步自身技術水準同技能力，實屬難得。佢哋亦努力喺泳池中展現身手，遊出好成績：
希望特奧運動健將可以吸取經驗，再接再勵，爭取競技成績更進一步，我哋一齊為佢哋加油！
16 九月 2020, by mso mso
[身心健康 動靜皆宜]
由國際特奧會戰略合作伙伴國際獅子會資助嘅「特奧家庭健康論壇」喺9月11日圓滿結束啦~ 活動喺智愛智樂社區支援中心舉辦，以靜態及動態嘅活動形式向家長推廣健康生活嘅重要性~
家長踴躍參與論壇
喺靜態方面，本會邀請咗李偉華醫生作為主講者，為大家帶嚟以痛症為主題嘅演講，講解活血祛瘀、健脾益氣、補腎壯骨、養肝補血、通筋活絡等等內容。由於內容實用性強，貼近日常生活，令到參與者紛紛對演講表現出濃厚嘅興趣。而喺動態活動方面，就為家長們帶嚟瑜伽冥想和古典舞體驗環節，希望家長可以喺日常生活動中學以致用~
李偉華醫生細心講解痛症內容
各位家長十分專注聆聽講座
家長相當投入活動
導師教導家長學習古典舞
今次活動得到咗各位家長嘅積極配合，期待之後可以舉辦更多同類型活動，比大家了解更多健康知識~
PS: 今次古典舞體驗反應熱烈，為此本會喺短期內即將計劃推出家長舞蹈班，大家記得關注本會專頁及公眾號留意消息動向啦!
15 九月 2020, by mso mso
今年特奧新推出嘅兔仔燈籠，特式嘅通花設計可以令燈籠喺黑夜中展示出通花投影同埋閃燈效果；燈籠附帶嘅拼拼豆兔仔仲可以拆出嚟當做鎖匙扣，大人細路都啱用㗎~
製作兔仔燈籠四步曲
打開包裝袋
將連流蘇同埋燈芯嘅支架放入燈籠裡
將燈籠向上拉，之後將支架勾喺兩個膠環內
最後將兔子提杆勾喺支架上
歡迎大家繼續預訂中秋禮品盒
12 九月 2020, by mso mso
跟住落來等小編為大家介紹小青柑茶嘅沖泡小技巧
：
沖泡水溫要喺85度左右，甘沖出來嘅茶味會更清甜；前段5次嘅沖泡可直接沖泡小青柑嘅外皮，令到柑味先出，享受一下獨特嘅柑果香；中段6至10次嘅沖泡，可注水喺柑皮和茶葉嘅接合位，讓柑味和茶葉融合。由於此時柑皮已經浸潤，再加上普洱茶葉容易出味出色，所以中段適宜减少浸泡時間；後段第10次沖泡，可向小青柑嘅中心沖水，讓普洱茶葉嘅醇厚同青柑嘅柑油香充分釋出，入口細膩潤喉。特奧中秋義賣禮盒仍在預訂中，歡迎大家繼續支持！
你可以用wechat（微信）掃以下QR CODE填妥表格並提交，直接致電2826 6670 / 2830 3268 與產品部吳先生或陳小姐接洽~
Categories: 我們的特奧
9 九月 2020, by mso mso
【特奧慶中秋 – 開箱篇】
首先感謝各位對特奧中秋禮品包嘅支持，令我哋今次銷售量創新高️~ 但係購買滿額送贈嘅毛巾同埋USB都已經無哂貨啦! 真係十分抱歉! 不過，中秋禮盒仍然接受訂購咖~
為咗比大家知道我哋嘅中秋禮品包有幾咁豐富，我哋仲特登拍咗條開箱片比大家睇睇
由特奧學員用拼拼豆親手製作嘅懷舊兔仔燈籠，過左中秋仲可以拆出來當鎖匙扣用咖~
️️中秋曲奇
特奧曲奇向來都係特奧招牌產品，依一次更加特製咗中秋特別版，造型相當可愛️️咖~
️️小青柑茶
健脾養胃、化痰止咳、降脂減肥、美容養顏又可以抗衰老，陪伴大家過一個健康中秋節~
隨盒更加附送咗學員電腦繪畫嘅中秋賀卡，賀卡上面嘅兔仔真係超得意咖~
禮品盒內容咁豐富，大家千奇咪走寶啦~快啲繼續預訂啦~
訂購方式：登入網站：https://rb.gy/d3pylp 填妥表格並提交
或致電2826 6670 / 2830 3268 同產品部吳先生或者陳小姐聯絡
8 九月 2020, by mso mso
[ 疫境出戰 特奧羽將包攬男女三甲 ]
2020年全澳殘疾人士公開賽-羽毛球喺日前（5/9）順利舉行。今次羽毛球賽本會共派出16名羽毛球健將參加，當日比賽非常精彩，經過咗一番激鬥後，最後特奧運動員以包攬男女子單打三甲嘅好成績劃上圓滿嘅句號~
今年羽毛球訓練受疫情影響一度“停擺”。隨著澳門疫情趨緩，訓練亦逐漸開始恢復正常，而我哋都希望透過今次比賽令運動員獲得參賽機會，強身健體，樂觀面對疫情~
獲得本次公開賽男子單打前三名嘅運動員分別係:
第一名譚文浩
第二名李昶賢
第三名嘅冼其昌及余景暉
而獲得女子單打三甲嘅運動員分別係
第一名李妙妍
第二名黃詩雅
第三嘅黎家欣同張艷霞
我哋嘅運動員可以有咁好嘅成績真係非常值得驕傲啊!
7 九月 2020, by mso mso
由體育局資助，澳門特殊奧運會及銀河娛樂集團（下稱「銀娛」）合辦之「銀娛關愛特奧共融乒乓球賽2020」於9月5日（星期六）下午假澳門特殊奧運會總會順利舉行。本會希望透過舉辦是次乒乓球比賽，鼓勵智障人士或有特殊教育需要的學生多參與對身心有益之體育活動，並從中發掘自己的潛能和興趣。
疫情期間，有特殊教育需要及智障人士往往未能參與大眾康樂體育活動，因此，本會特意在疫情有所緩和後，舉辦乒乓球活動及比賽。銀娛作為冠名贊助商，除了資金贊助以外亦為是次活動提供禮品，以支持社會弱勢群體參加體育活動。
是次活動參加者分別來自澳門各特殊學校、工場、中心及院舍的智障人士及其家長，合共約一百人參與、互相切磋球技及交流；銀娛義工隊亦到場協助活動進行，以及與特奧運動員組隊參與賽事。當日賽事除個人單打賽外，亦設有共融團體挑戰盃，冠軍由陳進傑/歐陽偉組合奪得，是日比賽三甲隊伍均可獲得由銀娛送出的餐飲禮券。此外，活動現場亦設有遊戲體驗區，讓沒有乒乓球經驗的學員也能夠參與，一同感受體育活動帶來的樂趣。本會冀藉此活動，向社會各界宣揚傷健共融的精神，提高普羅大眾對特殊人士的接納與關懷。
本會感謝銀娛一直支持社會公益事業發展，關顧弱勢社群。銀娛至今已連續十年贊助特奧乒乓球比賽，不僅體現了銀娛對智障人士體育發展的支持，同時亦為構建和諧社會出一分力。
2 九月 2020, by mso mso
激賞 中秋慈善義賣禮盒
】激賞贏中秋禮盒】活動~只要完成以下步驟，就有機會獲得我哋嘅【中秋慈善義賣禮盒】。
LIKE特奧會專頁同活動貼文；
喺活動貼文留下「支持智障人士 贏中秋禮盒」並@三位朋友仔；
由即日起至9月27日，留言獲得最多Like 嘅頭5位參與者，就可以免費獲得【中秋慈善義賣禮盒】 1個。激賞 中秋慈善義賣禮盒】活動:
~ (提提大家，17/9截止訂購啦~)
1 九月 2020, by mso mso
2020全澳殘疾人士公開賽–乒乓球賽喺前日（30/8）喺東信乒乓球館順利舉行。
本會派出5名健將參加。現場賽事精彩且激烈，健將們通過平日嘅積極訓練備戰，發揚“賽意志、賽風格、賽水準”嘅精神，勇奪各項賽事嘅獎牌! 同時更贏得現場觀眾陣陣喝彩, 今次公開賽運動員陳進杰獲得男子企立組單打季軍，而莫釹恩就獲得女子企立組單打亞軍，好犀利啊!
抗疫期間，運動員同家長都係長時間留在家中，難免會令到佢哋嘅情緒受到影響。隨著澳門疫情趨緩之勢，本會希望透過今次組織運動員參與友好機構組織嘅比賽，可以比佢哋活動筋骨嘅機會，能夠舒緩情緒。同時，我哋亦都期望日後社會各界都可以為弱勢社區創設更多活動嘅機會。
#殘疾人士公開賽 #特奧體育 #乒乓球 #特奧乒乓球 #澳門特奧
31 八月 2020, by mso mso
特奧親子農耕體驗活動圓滿結束
早前（27/08），本會組織咗一次參觀金像農場並體驗農耕生活的親子活動，一共吸引咗近二十對親子報名參與，反響十分熱烈~
是次活動除了一起參觀農場及體驗農耕外，還進行小手工製作；活動過程中，每對親子都非常投入，家長們會耐心為子女解說農場事物及演示農耕勞作，場面十分溫馨咖~ 家長們都覺得活動內容新穎有趣，可以令孩子喺體驗嘅過程中學習及收穫，期待日後可以有更多同類型嘅活動開展。
今次親子體驗活動希望可以緩解因疫情壓力而變得緊張嘅親子關係及改善煩悶嘅抗疫生活，重新激發大家對大自然嘅熱愛同生活的熱情。
