20 三月 2021, by mso mso
「社區樂融融培訓班」要開始接受報名啦~
這次培訓班係為輕度智力障礙應屆學生而設，喺即將來臨嘅畢業日子，為佢哋提供踏進社會前培訓，包括社交禮儀、自我保護，乘車技巧及說話技巧等，希望能夠提升佢哋嘅社會適應能力，學習待人接物嘅基本技巧及提升獨立社區出行能力。
———————————————————–
有關培訓班詳情如下：
開班日期：2021年4月13日-6月15日（逢週二，共十節）
上課時間：18:00-19:00
課程費用：MOP$1,000（課程及接送費用），可使用持續進修基金
報名方式：親臨星匯易教育中心
（澳門台山菜園涌巷64號澳門大廈C座）
課程名額：10人/每班
———————————————————–
培訓班即日起正式開始接受報名啦~名額有限，先到先得報完即止嘅~如有興趣嘅朋友仔可致電2843-0607聯絡嘉嘉姐姐~
19 十二月 2020, by mso mso
上週日（13/12），本會組織嘅2020殘障人士社交康樂之茶督燦活動完滿結束。活動共有10對親子參加，一邊感受飲茶文化，一邊進行互動遊戲，場面溫馨。 
飲茶前大合照
遊戲中，親子之間互動增加，感情增進。飲茶交流中家長之間互相分享心得和體會，互相拍照留念，氣氛融洽。
大家樂也融融地享用點心 (三)
透過茶督燦活動可以提升智障人士所見所聞，更可以喺輕鬆又愉快嘅氛圍下度過一個愉快嘅假期，讓智障人士及其家人都能留下美好嘅回憶。
17 十二月 2020, by mso mso
2020親親大自然活動之《特奧家庭體驗日》——親子農耕體驗喺上週六（12/12）順利舉行。這次活動吸引咗許多親子及家庭參加，“耕種”類活動讓佢哋感覺十分新鮮，透過活動可以讓孩子認識到更多植物種類以及生長過程，不僅可以鍛煉身體呼吸新鮮空氣外，還可以同孩子一齊放鬆身心，增進親子情。
大合照
健康午餐共享時刻
本次活動首次以野餐嘅形式進行，為咗貼合“健康”嘅主題，午餐特意安排咗”多菜少肉”嘅營養餐，受到參加者一致好評。大家喺金像農場導賞員嘅帶領下體驗農耕，感受耕作樂趣和收成喜悅。每一組家庭都沉浸喺“歸園田居”嘅悠閒狀態中。放鬆嘅真正意義就係無憂無慮，喺咁樣一個綠洲環抱嘅環境下，家長及孩子終於可以感受到這種久違嘅輕鬆和歡愉。
農耕樂體驗
12 十二月 2020, by mso mso
上週日晚（06/12），「2020年全澳大專院校歌唱大賽」喺澳門科技大學D座禮堂完滿落幕。
開幕剪綵儀式
特奧會副理事長施達明博士致辭
大合影
活動當晚，本會兩名學生被主辦單位邀請與參賽者共同演唱，佢哋喺十二位大學生中間演唱，淡定自若毫不怯場，贏得咗台下觀眾陣陣掌聲！有幸獲邀合唱，可以讓智障人士得到展示自己才能嘅機會，亦令更多人認識到佢哋多才多藝嘅一面。
兩個“小嘉賓”
小嘉賓與參賽者大合唱
「全澳大專院校歌唱大賽」今年已舉辦至第七屆。過去七年，本會秉持「無分界限•攜手共融」嘅活動理念，一直作為該活動各“關愛機構”，與籌委會共同合作舉辦了多項共融活動。例如關愛探訪智障人士、與智障人士進行社區義賣活動等，讓本澳大專青年有更多嘅機會接觸智障人士，與他們共同活動，對智障人士有更深入嘅了解，拋開過往的偏見與歧視，建立全新嘅認知。
當日活動現場義賣攤位
11 十二月 2020, by mso mso
上週六（05/12），本會組織嘅2020殘障人士社交康樂之茶督燦活動完滿結束。活動共有11對親子參加，一邊感受飲茶文化，一邊進行互動遊戲，場面溫馨。
遊戲中，親子之間互動增加，感情增進。飲茶交流中家長之間互相分享心得和體會，互相拍照留念，氣氛融洽。
透過茶督燦活動可以提升智障人士所見所聞，更可以喺輕鬆又愉快嘅氛圍下度過一個愉快嘅假期，讓智障人士及其家人都能留下美好嘅回憶。
10 十二月 2020, by mso mso
由澳門社會工作局資助，澳門特殊奧運會主辦的2020殘障人士社交康樂之親子康樂嘉年華於2020年12月5日順利進行，透過這次活動，促進智障人士及家人暫時拋開生活的瑣事，感受在假日當中與大家開party的氣氛，同時亦可以增進親子之間的互動及默契。
當天，共有20組親子參加本次的活動，活動內容有互動遊戲、美食及親子工作坊，當日在互動遊戲裡觀察到親子之間互相合作的精神，場面既溫馨又緊張。遊戲結束後，進行親子工作坊－製作閃光聖誕樹，當中家長與子女一起溝通設計，眼見親子發揮無盡的想像力製作出獨一無二的作品，彼此在喜悅的氣氛下融洽的互動拍照留念，令大家在假日留中留下美好的回憶。
當日嘉年華大合照
互動遊戲 (一)
互動遊戲 (二)
互動遊戲 (三)
親子工作坊 (一)
親子工作坊 (二)
1 十二月 2020, by mso mso
第二期特奧家長舞蹈班開始招生啦~
舞蹈可以獲得全身心嘅體力鍛煉，加速周身嘅血液循環，還可以塑造健康優美嘅體型。通過舞蹈這種全身運動，可以減輕日常疲勞，從而使情緒安定平和，有益身心。
我哋嘅家長舞蹈班舞種保羅萬有：有民族舞、古典舞以及爵士舞，相信總有一種適合你。家長舞蹈班由即日起開始接受報名啦，仲唔快啲拉埋親朋好友一起參加~
以下係家長舞蹈班詳情：
報名時間：由即日起至2020年12月13日
上課時間：2020年12月14日開始，共16堂;
費用：MOP$320;
報名電話：28430607；
地點：澳門台山菜園涌巷64號澳門大廈第二期C座一樓A
智愛智樂社區支援中心（台山中心）
28 十一月 2020, by mso mso
健康，一直以來都係大眾常掛嘴邊嘅詞語，且越來越被重視。尤其係受新冠疫情影響以來，養成良好嘅衛生習慣，追求健康嘅生活方式更係大眾最關心嘅話題。
健康，不僅對於健全人士而言係重中之重，對於有特殊需要嘅人士，佢哋嘅健康問題更應該被大眾重視。每年本會都會定期舉辦一些與特殊人士有關嘅健康檢查活動，如HA健康運動員檢查計劃、兒童發展關注日等等，期望可以通過此類型嘅活動，了解有特殊需要之人士嘅身體健康狀況，讓大眾能夠更對於智障人士嘅健康問題，共建共融和諧嘅社會環境。
而喺本月初，剛剛結束嘅「HA健康運動員檢查計劃」，就係從以下幾個部分為智障運動員提供檢查服務的。
健體繽紛：評估和改善柔紉度，肌力和平衡力、柔紉度，肌力和平衡力作為智障人士跳、跑、步行的基本能力,特別有助發育中的智障人士；
健聽之聲：評估智障人士的聽力狀況,，是否需要使用助聽器；
健體有營：評估BMI（身體質量指標）、日常生活習慣、飲食習慣，有關健康飲食的重要性；
健康微笑：為智障人士提供口腔篩查及口腔健康教育；
健步知足：為智障人士進行扁平足的檢查及進行簡單的腳步問題檢查，如皮膚病；
健視之窗：評估智障人士的眼睛狀況，包括近視、遠視、弱視、色盲等；
Strong Mind：專注發展適應性應對技巧，幫助提升應對壓力時嘅技巧，協助發展正面思考，舒緩壓力及社交能力。
健康問題值得被關注，特殊人士嘅健康狀況更應被重視，相信通過不斷嘅宣傳及努力，大眾對於這一話題會有更深入嘅了解及關注。
25 十一月 2020, by mso mso
上禮拜六（21/11），2020親親大自然活動之「特奧家庭體驗日」喺澳門黑沙水庫郊野公園順利舉行，活動一共吸引咗20對親子參加。
當日活動大合照
行山活動從漫步健康徑到享用健康午餐，整個過程氣氛活躍，所有參加者都能融入其中。我哋係事前設定嘅互動遊戲及分享環節「愛的抱抱」，讓每組家庭都可以用一種欣賞嘅角度看待對方，成功令讓逐漸緊張嘅親子關係得到有效嘅緩解。
分享環節「愛的抱抱」
當日，學員也相當乖巧，幫助母親提取沉重物件
行山前，各位先進行熱身運動
家長同小朋友都相當投入
參與者在美麗嘅風景下合照 (一)
參與者在美麗嘅風景下合照 (二)
這次活動係疫情以來首個以健康為主題嘅行山活動，不但能夠藉此促進親子間關係融洽，亦對於長期沒有外出活動嘅學員及家長來講係一個鍛煉身體與放鬆身心嘅好機會。
18 十一月 2020, by mso mso
喺過去的週日(11/15),本會有幸獲邀參加怡和體育會(JSA)舉辦了「慈善越野跑體驗暨合家歡遠足」活動。
活動大合照
當日活動分為合家歡遠足樂與越野跑體驗，本會除咗組織學員與親子參與合家歡遠足外，亦派出了運動員朱啟忠及廖家浩參與越野跑。活動不僅可以讓學員及家長身心得到放鬆外，同時亦能帶給學員不同嘅運動體驗，最後更安排了Pizza午餐來結束當日活動。
參加者也十分享受大自然風景~
親子在互相支持下完成合家歡遠足樂
運動員非常投入越野跑體驗
參加者在宏偉的媽祖聖像下興奮地進行合照
各參加者在享用了Pizza午膳後，活動完滿結束
此外，本次活動所收取嘅報名費將會全數捐贈本會用於支持智障人士體育訓練，十分感謝怡和體育會對本會嘅支持。
