我們的特奧
7 九月 2020, by mso mso
由體育局資助，澳門特殊奧運會及銀河娛樂集團（下稱「銀娛」）合辦之「銀娛關愛特奧共融乒乓球賽2020」於9月5日（星期六）下午假澳門特殊奧運會總會順利舉行。本會希望透過舉辦是次乒乓球比賽，鼓勵智障人士或有特殊教育需要的學生多參與對身心有益之體育活動，並從中發掘自己的潛能和興趣。
疫情期間，有特殊教育需要及智障人士往往未能參與大眾康樂體育活動，因此，本會特意在疫情有所緩和後，舉辦乒乓球活動及比賽。銀娛作為冠名贊助商，除了資金贊助以外亦為是次活動提供禮品，以支持社會弱勢群體參加體育活動。
是次活動參加者分別來自澳門各特殊學校、工場、中心及院舍的智障人士及其家長，合共約一百人參與、互相切磋球技及交流；銀娛義工隊亦到場協助活動進行，以及與特奧運動員組隊參與賽事。當日賽事除個人單打賽外，亦設有共融團體挑戰盃，冠軍由陳進傑/歐陽偉組合奪得，是日比賽三甲隊伍均可獲得由銀娛送出的餐飲禮券。此外，活動現場亦設有遊戲體驗區，讓沒有乒乓球經驗的學員也能夠參與，一同感受體育活動帶來的樂趣。本會冀藉此活動，向社會各界宣揚傷健共融的精神，提高普羅大眾對特殊人士的接納與關懷。
本會感謝銀娛一直支持社會公益事業發展，關顧弱勢社群。銀娛至今已連續十年贊助特奧乒乓球比賽，不僅體現了銀娛對智障人士體育發展的支持，同時亦為構建和諧社會出一分力。
Categories: 我們的特奧, 新聞活動
2 九月 2020, by mso mso
【儲Like
激賞 中秋慈善義賣禮盒
】
我哋嘅中秋禮盒推出短短幾日，反應相當熱烈，多謝你哋嘅支持~
為咗答謝大家，特別推出咗【儲Like
激賞贏中秋禮盒
】活動~只要完成以下步驟，就有機會獲得我哋嘅【中秋慈善義賣禮盒】。
操作步驟：
LIKE特奧會專頁同活動貼文；
喺活動貼文留下「支持智障人士 贏中秋禮盒」並@三位朋友仔；
由即日起至9月27日，留言獲得最多Like 嘅頭5位參與者，就可以免費獲得【中秋慈善義賣禮盒】 1個。
活動日期：由即日起至9月27日晚上23：59截止。
結果公佈：2020年9月28日於澳門特殊奧運會各大線上公眾平台公佈。
*每個Facebook個人帳號只限參加一次，澳門特殊奧運會擁有活動最終解釋權。
點擊以下Facebook鏈接，參與【儲Like
激賞 中秋慈善義賣禮盒
】活動:
另外，想訂購【中秋慈善義賣禮盒】嘅朋友仔，可以點擊以下鏈接，查看訂購詳情
~ (提提大家，17/9截止訂購啦~)
Categories: 我們的特奧, 職業復康
1 九月 2020, by mso mso
2020全澳殘疾人士公開賽–乒乓球賽喺前日（30/8）喺東信乒乓球館順利舉行。
本會派出5名健將參加。現場賽事精彩且激烈，健將們通過平日嘅積極訓練備戰，發揚“賽意志、賽風格、賽水準”嘅精神，勇奪各項賽事嘅獎牌! 同時更贏得現場觀眾陣陣喝彩, 今次公開賽運動員陳進杰獲得男子企立組單打季軍，而莫釹恩就獲得女子企立組單打亞軍，好犀利啊!
抗疫期間，運動員同家長都係長時間留在家中，難免會令到佢哋嘅情緒受到影響。隨著澳門疫情趨緩之勢，本會希望透過今次組織運動員參與友好機構組織嘅比賽，可以比佢哋活動筋骨嘅機會，能夠舒緩情緒。同時，我哋亦都期望日後社會各界都可以為弱勢社區創設更多活動嘅機會。
#殘疾人士公開賽 #特奧體育 #乒乓球 #特奧乒乓球 #澳門特奧
Categories: 我們的特奧, 新聞活動, 體育
31 八月 2020, by mso mso
特奧親子農耕體驗活動圓滿結束
早前（27/08），本會組織咗一次參觀金像農場並體驗農耕生活的親子活動，一共吸引咗近二十對親子報名參與，反響十分熱烈~
是次活動除了一起參觀農場及體驗農耕外，還進行小手工製作；活動過程中，每對親子都非常投入，家長們會耐心為子女解說農場事物及演示農耕勞作，場面十分溫馨咖~ 家長們都覺得活動內容新穎有趣，可以令孩子喺體驗嘅過程中學習及收穫，期待日後可以有更多同類型嘅活動開展。
今次親子體驗活動希望可以緩解因疫情壓力而變得緊張嘅親子關係及改善煩悶嘅抗疫生活，重新激發大家對大自然嘅熱愛同生活的熱情。
Categories: 我們的特奧, 新聞活動, 社區支援
27 八月 2020, by mso mso
[2020社區品德教育推廣活動]
2020社區品德教育推廣活動之一, 「與愛成長」親子戶外活動
即將喺嚟緊11月進行啦!
今次活動期望可以透過行山體驗、團體遊戲同埋親子聚餐等等內容由家長親自教導仔囡去認識自己身體嘅私隱部位、分辨好同壞嘅身體接觸同學識保護自己嘅方式
。
同時仲可以有親親大自然
，做運動強身健體
，比家長同埋小朋友有一個放鬆身心嘅機會
。
對「與愛成長」親子活動有興趣者可
致電28430607搵慧敏姐姐了解詳情~
想了解其它2020社區品德教育推廣系列活動可按以下網址
Categories: 我們的特奧, 社區支援
26 八月 2020, by mso mso
【特奧中秋慈善義賣禮盒預售】
人月兩團圓，喺一年一度中秋佳節之際，本會別具心裁地為大家準備咗【中秋慈善義賣禮盒】。禮盒裡面有由本會智障學員用心製作嘅趣緻曲奇，應節嘅拼拼豆兔仔燈籠，同甘香怡人嘅茶葉包等等禮品，送禮自用兩得宜又特別有意義~
———————————————————————-
禮盒而家以慈善價MOP$50公開預售，同時仲有加碼好著數!
買滿2盒送 特殊奧運會毛巾一條
買滿4盒送 木製連盒16G USB一個
想買嘅朋友仔 就快啲
登入依個網站：https://rb.gy/d3pylp 填妥表格並提交
或者
打電話去2826 6670 / 2830 3268 同產品部吳先生或者陳小姐訂購啦~你哋嘅支持，係我哋繼續前進哋動力!
————————————————————————
訂購細則：
1.訂購日期：由即日起至2020年9月17日止。
2.歡迎大家用現金或者消費卡比錢~
3.數量有限，先到先得，售完即止嫁啦~
4.扣除成本後嘅所得收益將會用喺智障人士嘅日常服務上~
5.提交咗訂單之後，大家將會喺一個禮拜內收到我哋嘅確認訂單電話或者電郵，咁樣先算係成功下單咖~
#中秋節禮盒 #中秋送禮推薦 #特奧義賣 #澳門特奧 #智障人士手作
Categories: 我們的特奧, 職業復康
22 八月 2020, by mso mso
唔知大家仲記唔記得早前哄動全澳嘅「金沙物美嘉年華」呢? 我哋嘅特奧小記者親身去到現場體驗咗一番記者嘅新聞採編工作
以下誠意呈獻小記者們的報導文章 , 歡迎大家賞閱
#特奧小記者金沙物美展特輯
#金沙物美嘉年華
Categories: 我們的特奧, 新聞活動
19 八月 2020, by mso mso
嚟緊10月要舉行「第四屆 澳門全民運動會」啦！
一年一度嘅盛事，千奇唔好錯過啦! 趁住依個機會一定要好好郁動下筋骨啦! 多做運動，強身健體，又可以同唔同界別嘅朋友仔好好交流運動心得。
「第四屆 澳門全民運動會」會喺10月10至11日舉行，賽事內容相當全面，設有田徑、游泳、乒乓球、羽毛球同埋保齡球等五個項目，一次過滿足晒大家做唔同運動願望～
另外，每位參賽者完成賽事後更會獲發紀念證書同埋紀念品一份。
———————————————-
活動具體詳細如下：
日期：2020年10月10日至11日
地點：奧林匹克體育中心
比賽項目: 田徑、游泳、乒乓球、羽毛球及保齡球
活動對象: 傷殘、視障、聽障、智障及精神復康人士之澳門居民
報名日期: 由即日起至2020年9月9日
如有任何問題歡迎打電話比我哋查詢!
聯絡電話 : 28266597（體育部）
仲諗? 唔好諗啦! 依家就即刻嚟特奧會報名啦!
活動海報
Categories: 我們的特奧, 體育
13 八月 2020, by mso mso
一年一度「2020銀娛關愛特奧共融乒乓球賽」要“開波”啦！
新冠疫情期間相信大家好多時候都留咗喺屋企抗疫，而家澳門疫情平穩，喺嚟緊嘅9月5日我哋即將舉行「2020銀娛關愛特奧共融乒乓球賽」，大家喺時候出嚟運動一下啦！
今年乒乓球賽除咗單打賽之外，仲設有「乒乓球遊戲體驗區」，比從未接觸過乒乓球嘅參加者體驗乒乓樂趣。同時，今次比賽都準備咗好多小禮物比所有完成小遊戲嘅參加者~係咪好吸引呢~
活動具體詳細如下：
日期： 2020年9月5日（星期六）
時間： 14:30 – 17:00
地點： 合時工業大廈3樓澳門特殊奧運會
年齡: 4歲及以上
活動現已開始接受報名! 如有任何問題歡迎打電話比我哋查詢!
聯絡電話 : 28266597（體育部丁姐姐或樂哥哥）
大家快啲報名參與啦~齊齊體驗運動樂趣~等住你哋嚟同我哋一齊做運動，增強抵抗力!
Categories: 我們的特奧, 體育
13 八月 2020, by mso mso
上週（7/8-9/8）“轟動”全澳嘅金沙物美嘉年華活動熱火朝天地進行，吸引咗唔少市民參與~當中嘅特奧攤位亦有賴大家嘅愛心支持而取得非常不俗嘅成績!
而喺咁熱鬧嘅活動又點少得我哋特奧學員嘅身影咧~今次活動特奧小記者們好榮幸可以受到金沙中國邀請參與成為活動記者，希望可以透過拍攝、記錄、採訪現場等讓特奧小記者體驗如何成為一名正式記者，感受真正記者嘅採訪拍攝工作!
特奧小記者仲參與咗“小廚神工作坊”，好好咁體驗咗一番蛋糕製作樂趣喔~小記者們一邊製作蛋糕，一邊對活動進行拍攝記錄，喺另一方面都鍛煉咗記者小技能，係一次不一樣嘅體驗！
今次記者體驗機會難得，特奧學員都非常珍惜，喺特奧導師的帶領下，每個人都非常踴躍投入到採訪和記錄現場嘅任務裡面。
雖然小記者剛開始會害羞膽小不敢向前，但最後喺互相噶鼓勵下大家都一齊突破自我，努力完成一個又一個嘅採訪，比個大讚佢哋
~
「特奧小記者培訓計劃」以寫作及攝影教學培訓為主，培訓特奧學員記者基礎技能，並同時進行定期撰寫新聞文章報導的實踐訓練。日後將持續多元化發展以此培養特殊青少年作未來的社會棟樑及青年領袖。
Categories: 我們的特奧, 新聞活動
