17 十月 2024, by mso mso
早前回星學員同義工一齊進行共融保齡球活動！
平時都係義工哥哥姐姐教學員去學新嘅知識，今次到學員教返佢哋啦！雖然喺一開始嘅時候，大家都唔係好識點樣教義工哥哥姐姐，但係慢慢熟悉咗之後，大家都可以好好咁表達自己，教哥哥姐姐點樣打保齡球啊！
除咗打保齡球，今次大家都認識咗好多新嘅哥哥姐姐，希望下次大家再一齊玩啦~
Categories: 我們的特奧
15 十月 2024, by mso mso
Categories: 我們的特奧
14 十月 2024, by mso mso
早前，回星小組組員仲進行咗萬聖節主題嘅共融藝術活動。
用大家都好中意嘅和諧粉彩活動，一直「捽捽捽」就完成一幅作品啦！又解壓又好玩，大家畫出嚟嘅小魔鬼都好可愛啊！
Categories: 我們的特奧
12 十月 2024, by mso mso
今堂《SO識》學堂我哋闖入特奧共融生活營，跟住特奧員美英同青少年義工曉晴一齊，感受一下不一樣嘅共融式生活模式~
點擊連結觀看影片：https://youtu.be/30eYN0kFpVY
《SO識》學堂，達成「共式」，齊齊學識共融十式！
＂「共融」系列短片——《SO識》學堂：達成「共式」＂將以不同的角度帶你觀看不一樣的共融方式，期望你亦能於其中找到能讓你一同達成的「共式」~本系列短片製作獲澳門基金會資助。
Categories: 我們的特奧
10 十月 2024, by mso mso
【「看見你我」戶外互動劇場】相互引領，激發靈感與創意
2024年秋冬藝術推廣計劃：「看見你我」戶外互動劇場步入引領階段！
經過導師同學員一系列嘅探索，深入發掘大家嘅個人特質、喜好同潛能，「看見你我」正式步入下一階段，繼續令靈感相互碰撞、牽引、領導，相互激發大家創意嘅小宇宙~
喺10月尾至11月頭，八場結合戲劇與繪畫嘅劇場演出將出現喺澳門各區，同你一齊玩、一齊畫，帶嚟實現共融、互動同創意嘅時刻！
演出時間：
「探索、引領和看見，讓靈感與想像力自由綻放」
「看見你我」戶外互動劇場將於今年秋冬登場，本次活動由文化發展基金資助，澳門特殊奧運會主辦，怪老樹劇團及融義展能藝術協會合辦，以及澳門戲劇教育學會場地支持。
Categories: 我們的特奧
10 十月 2024, by mso mso
上個星期六，回星小組一眾成員又聚埋一齊參加共融活動。喺今次活動入面，我哋有好多新朋友加入，組員同咁多位義工姐姐哥哥一齊玩各種遊戲啊！
每種遊戲都需要大家運用同練習唔同技巧，就好似其中嘅積木遊戲咁，原來積木唔係淨係用嚟砌，仲可以有好多玩法。大家要同夥伴一齊合作，挑戰用唔同方式拎住啲積木。聽落好似好簡單，但玩完之後就會發現，原來都好難架！不過最重要嘅係，大家一齊學習到溝通同合作嘅技巧，透過溝通一齊完成挑戰！
Categories: 我們的特奧
10 十月 2024, by mso mso
澳門特殊奧運會於明天10月11日(五) 重陽節假期期間暫停開放，並將於10月12日(六) 恢復正常服務。
Categories: 我們的特奧
9 十月 2024, by mso mso
咦~成仔喺度整緊咩呢？哇~係一艘大船啊！
船、飛機、電單車……好多種交通工具啊，今年「成」語陶瓷展，同成仔一齊搭佢捏出嚟嘅交通工具周遊澳門啦！
除咗常見嘅交通工具外，成仔仲製作咗一啲輔助用具，你又知唔知佢哋嘅用處？記得到時候嚟現場一齊認識無障礙設施嘅相關小知識，一齊加入成仔嘅無障礙冒險！
成仔已經準備好迎接今年嘅陶瓷展啦，你準備好未？快啲點擊影片睇吓啦~
影片連結：https://youtu.be/rt_Qj2am-jY
「成」語 Seng：以陶藝道出共融之語
謝健成(成仔)是澳門特奧會轄下職業康復中心的學員，他在三歲時被判斷患有自閉症，因語言表達能力較弱，故與他人交流時只能靠發出單音節作為回應。機緣巧合下，中心導師發掘了成仔在陶藝方面的天賦潛能；成仔努力學習陶藝，並以此為語言，用作品表達自我情感和對周邊環境的感受，也展現了一位智障人士如何用自己獨特的眼光看待世界和思考生命的意義。
Categories: 我們的特奧
9 十月 2024, by mso mso
萬眾期待、一年一度的「成」語陶瓷展回歸啦~
返學放學、返工放工，約上三五知己出街玩耍……
這些尋常不過的日常，你有沒有想過需要輔助器具出行的人士是怎麼完成的？今年陶瓷展，成仔捏製了一系列常見的無障礙設施，河馬龍和一眾「融合星」的朋友仔親身演示這些無障礙設施如何使用，又是怎樣給行動不便的人士在出行和交通上帶來便利。
叮~~~成仔向你發出邀請卡，希望你能夠來到展場，和河馬龍一班朋友仔展開一場無障礙奇遇記，一邊冒險一邊學習！
歡迎大家出席展覽開幕式，與成仔見證重要時刻~
眼珠碌碌看展覽，大家不如再動動手參加延伸工作坊啦，今年將會舉辦健成×何小涌燈座聯乘工作坊和熱轉印拼貼小布袋工作坊。報名詳細不日公佈，敬請留意我們的社交平台，趕快追蹤我們的粉絲專頁，不要錯失重要資訊！
「成」語 Seng：以陶藝道出共融之語
謝健成(成仔)是澳門特奧會轄下職業康復中心的學員，他在三歲時被判斷患有自閉症，因語言表達能力較弱，故與他人交流時只能靠發出單音節作為回應。機緣巧合下，中心導師發掘了成仔在陶藝方面的天賦潛能；成仔努力學習陶藝，並以此為語言，用作品表達自我情感和對周邊環境的感受，也展現了一位智障人士如何用自己獨特的眼光看待世界和思考生命的意義。
Categories: 我們的特奧
9 十月 2024, by mso mso
澳門特殊奧運會與澳娛綜合度假股份有限公司（「澳娛綜合」）合辦「展翅、創新天、互惠共融」系列活動，當中包括一系列共融運動工作坊。首場工作坊於2024年9月19日在澳門國際高爾夫舉辦，澳娛綜合的義工與特奧運動員共同體驗高爾夫球的魅力與樂趣。
「共融高爾夫球工作坊」旨在讓澳娛綜合的義工與特奧運動員們一起學習高爾夫的基本知識、揮桿及推桿技巧。他們努力練習並組成隊伍，參加推桿小挑戰，爭取以最少桿數完成每一個球洞，展現了特奧會「勇敢嘗試，爭取勝利」的精神。
澳門特殊奧運會與澳娛綜合將繼續積極傳播社會正能量，透過共融運動工作坊，增加公眾對特奧運動員的認識，並鼓勵更多人參與體育活動，享受運動帶來的樂趣，促進身心健康。
Categories: 我們的特奧