【2024回星行動】社區探索體驗活動

10 四月 2024

上個月尾回星小組一眾學員同義工一齊於澳門各區進行社區探索體驗活動。走入白鴿巢公園感受大自然、走入大三巴遊客區感受熱鬧、走入路環感受澳門文化歷史，令學員和義工體會澳門嘅各種氛圍，加深對澳門社區嘅了解！

相信大家都去過白鴿巢公園，但對於公園內樹木嘅知識，可能就唔太清楚。嚟到公園內，導師帶領一眾組員認識各種樹木和植物。組員更以大自然中得來嘅資源，共同完成屬於每個小組嘅自然藝術作品。

另外，我哋亦喺熱鬧嘅澳門社區完成不同嘅任務，例如向旅客介紹特奧會、搵唔同嘅遊客合照、搵出指定目標地點等等。透過這些任務，在過程中訓練大家嘅表達及溝通技巧，同時擴展組員嘅生活圈。

更有鄭裕彤書院嘅義工與學員一齊走進路環社區，了解路環區嘅建築物以及歷史文化，更增強大家對澳門社區的歸屬感！充滿文化氣息嘅環境更引嚟組員們不斷影相，留下回憶！

睇到大家都好享受今次戶外學習，雖然天氣炎熱，但眾人依然投入參與，期望組員喺日常生活中亦能積極探索自己嘅周遭，並從中找到樂趣~