【2024回星行動】共融賣旗活動

24 四月 2024

今年回星小組一眾學員同義工都好積極參與我哋一年一度嘅賣旗活動，短短兩日賣旗活動，學員同義工參與已達100人次！無論天氣幾炎熱，大家都堅持不懈！

過程中，學員同義工一齊分工合作，互相幫助進行賣旗，見到大家咁認真，小編真係好感動啊！甚至有義工同小編講，學員嘅積極性帶動咗佢，令佢都變得積極主動~

活動完結後，組員們都覺得成功感滿滿，覺得自己有能力可以幫助他人，亦令組員對自己更加有信心！