【活動發佈】「融義玩」社區推廣嘉年華

2 五月 2024

萬眾期待嘅「融義玩」社區推廣嘉年華即將喺5月19日登陸啦！

活動當日有一連串嘅共融攤位遊戲等緊大家鬥智鬥勇呀~ 更加唔少得多個運動體驗俾大家大展身手，當中都融合左特奧運動項目的體育元素，讓大家可以喺遊戲當中體驗特奧運動員喺比賽當中所需要嘅技能~ 玩到肚餓都唔緊要！同場有美食攤位滿足各位嘅肚皮~

另外現場亦有慈善手作坊同步進行，如果想報名嘅朋友仔快啲掃code霸位啦，名額有限，先到先得！而城市迷蹤嘅集合點都會喺塔石廣場，真係非常之熱鬧呀！咁精彩嘅活動點可以冇幸運大抽獎呢？只要集齊“Play” “Unified” “Play” “Sports” 4個lucky coins，即可參加抽獎！點先可以收集？5月19日嚟塔石廣場話俾你聼啦！

「融義玩」社區推廣嘉年華係2024年度澳門特奧會賣旗推廣系列活動之一，目的是希望透過不同形式的活動讓公眾對特奧會多一個認識、瞭解的機會，而當日的活動亦有邀請不同殘障群體一齊加入，冀望社會各界人士齊來參與「融義玩」社區推廣嘉年華，推廣傷健共融~

• 活動時間：5月19日下午4點至9點
• 活動地點：塔石廣場