【2024回星行動分享會】

31 十二月 2024

12月8日星期日，我哋回星學員同義工聚埋一齊，進行一年一度嘅分享會

分享會嘅過程入面，好多學員都勇敢地上台分享自己參加咗一整年活動嘅感受，每位學員都收獲滿滿啊~

除咗學員有得著之外，又點少得一直陪伴住我地嘅義工哥哥姐姐呀！佢哋都有上台分享各自嘅成長，透過參加唔同嘅活動，認識到唔同嘅學員，雙方喺活動中亦建立良好嘅友誼。

今次仲邀請到家長同學員一同進行親子分享！家長都表示見到大家參加回星之後有好大嘅進步。

分享會仲有特奧學員嘅非洲鼓表演，同埋學員同義工一齊為我哋帶嚟共融演出。

演出後仲為優秀學員同義工頒獎證書，共同見證大家嘅成長點滴。同時亦有現場抽獎，活動內容十分豐富！

今年嘅分享會真係十分精彩，2024回星行動告一段落啦！休息一下，明年重新出發，我哋2025年再見 ~