【2025運動員領導力培訓（哈爾濱）】

22 七月 2025

5月19至24日我哋運動員領袖同埋導師一行4人一齊出席2025運動員領導力培訓（哈爾濱）！

第一日我哋由澳門出發去哈爾濱報到，一落機就感受到北方嘅温度！真喺有少少凍啊。

第二日正式開始我哋今次嘅行程！第一站先去哈爾濱工業大學參加開幕式！開幕式結束之後，就嚟到今次行程嘅重點：學習融合領導力！目的係為咗讓我哋嘗試帶領唔同嘅運動員一齊參加多啲活動！

第三日學習講故事同埋倡導力！作為一位運動員領袖，我哋經常都需要喺唔同嘅場合分享。所以今日嘅主題正係教我哋點樣喺台上面分享，亦都俾個機會我哋去思考一下，學習完返到澳門可以為社區做啲咩嘢呢？

第四日嘅學習主題係科技，我哋學習咗科技喺領導力上面有咩幫助，仲參加咗融合運動體驗，第一次落場踢波，體驗足球項目！