【2025 回星行動】共融行山活動-九澳高頂家樂徑

9 八月 2025

6月29日星期日，我哋回星學員約埋一齊去行山！我哋參加活動嘅時候有一個特點：就係風雨同行！只要唔打八號風球活動都唔會取消㗎！

點解我咁講？因為當日天公真喺不做美呀，喺出發之前明明天朗氣清，點知過去目的地嘅時候，居然落大雨呀！好彩到咗嘅時候停咗雨，咁樣我哋活動先可以繼續進行~

由於地下濕咗，所以每一位學員同埋義工哥哥姐姐喺行山嘅過程入邊都互相扶持。我哋跟住導賞員哥哥嘅腳步，一路行山一路認識唔同嘅植物知識。除咗強身健體之外，仲可以認識不同嘅植物，超充實啊！