【2025 回星行動】共融羽毛球活動

25 八月 2025

回星行動又有運動體驗，今次體驗嘅運動項目係羽毛球！唔知大家識唔識打羽毛球呢？參加羽毛球體驗活動真係開啟咗我哋充滿活力嘅一日啊！

喺活動嘅過程入面，我哋回星學員同埋義工哥哥姐姐一齊打羽毛球！唔單止喺義工哥哥姐姐陪着我哋打羽毛球，佢哋仲會教我哋啊！！！當然啦，並唔喺全部時間都係義工哥哥姐姐教我哋架！有啲時候我哋回星學員都會教返佢哋！

學識簡單嘅發球同接球姿勢之後，就開始我哋嘅重點喇~就係共融嘅部分，每個小組都會有學員同埋義工哥哥姐姐一齊打羽毛球！大家會輪流對打，無論得分定失分，都一樣咁開心呀，因爲我哋一齊合作啊！