【GUCCI CHANGEMAKERS x 甲子園親子扭扭樂工作坊】

9 九月 2025

【GUCCI CHANGEMAKERS x 甲子園親子扭扭樂工作坊】

上星期8月26日，一班GUCCI CHANGEMAKERS嘅親子義工捉緊暑假嘅尾巴，嚟到澳門特殊奧運會轄下的長者社企《甲子園美食》參加了一場親子扭扭樂氣球工作坊。今次工作坊由我地特奧學員嘅家長做導師，教導一班小朋友將一個個五顏六色嘅氣球變成一朵朵可愛嘅花花。雖然製作氣球花花一啲都唔簡單，但係透過親子協力，好快就將甲子園變成一個色彩繽紛嘅花園。

除咗氣球造型之外，甲子園嘅導師們仲教導小朋友親手製作消暑嘅西瓜飲品，讓小朋友們可以體驗自己動手嘅樂趣。最後，導師們都準備咗豐富嘅小食，等所有大人小朋友都可以係勞動過後享用美味嘅下午茶。感謝每一位嚟參加工作坊嘅親子義工，你地嘅熱情投入令呢個下午充滿色彩同笑容，亦將一個個嘅氣球載滿開心快樂嘅回憶！