【載星大使舊雨新知聚會・圓滿落幕】

9 三月 2026

2月28日，我哋喺充滿人情味嘅社企茶餐廳——甲子園美食 齊齊聚頭，舉辦了一場溫暖又熱鬧嘅「載星大使舊雨新知聚會」。

當日嚟到現場嘅，有一直陪伴我哋嘅「舊雨」，亦有第一次加入嘅「新知」，仲有親子義工一齊參與，場面特別溫馨~

甲子園精心準備嘅盆菜 真係全場焦點！熱辣辣、香噴噴，大人細路都食得好滋味，一邊食一邊笑，氣氛好似一家人圍爐團年咁暖。

2025年優秀義工獎 喺聚會中頒發，向過去一年默默付出、用心服務嘅每一位義工致敬。你哋嘅努力，讓社區變得更有人情味、更有愛。

小遊戲同問答環節一樣精彩！大家玩得好投入，仲有好多朋友贏到 「Play Unified Play Sports」紀念金幣，場面真係超～興～奮～

咁到底呢個紀念金幣有咩特別用途呢？

記得繼續follow我哋，之後會有更多驚喜同詳情同大家分享！