疫情賽意志、賽風格、賽水準

1 九月 2020

2020全澳殘疾人士公開賽–乒乓球賽喺前日（30/8）喺東信乒乓球館順利舉行。

本會派出5名健將參加。現場賽事精彩且激烈，健將們通過平日嘅積極訓練備戰，發揚“賽意志、賽風格、賽水準”嘅精神，勇奪各項賽事嘅獎牌! 同時更贏得現場觀眾陣陣喝彩, 今次公開賽運動員陳進杰獲得男子企立組單打季軍，而莫釹恩就獲得女子企立組單打亞軍，好犀利啊!

抗疫期間，運動員同家長都係長時間留在家中，難免會令到佢哋嘅情緒受到影響。隨著澳門疫情趨緩之勢，本會希望透過今次組織運動員參與友好機構組織嘅比賽，可以比佢哋活動筋骨嘅機會，能夠舒緩情緒。同時，我哋亦都期望日後社會各界都可以為弱勢社區創設更多活動嘅機會。

#殘疾人士公開賽 #特奧體育 #乒乓球 #特奧乒乓球 #澳門特奧