之前一直分享咗好多【在家運動】嘅系列鍛鍊，當中嘅一啲「運動冷知識」你又有無聽過？快啲跟住特奧會一齊長知識啦！

.

今日嘅「運動冷知識」分享：

仰臥起坐(Sit-up) 不能減肚腩

.

香港註冊物理治療師蔡永基指出，其實做仰臥起坐(Sit-up) 時，用力最多嘅肌肉喺髂腰肌，所以對訓練腹肌並無太大效果。而且做仰臥起坐，會重複屈曲髖關節，做得多呢個動作， 會令髂腰肌變緊， 並可能造成盆骨前傾，導致腰部表面嘅豎脊肌過分緊張，而引致腰痛，或者造成下背痛。佢補充，如果想減肚腩，最好嘅動作喺平板支撐。所以大家練腹肌嘅話，記得做多啲「平板支撐」嚟代替「仰臥起坐」啦！